Film për skandalin në Volkswagen

Leonardo Di Caprio ka angazhuar regjisorin Edward Berger për të realizuar një film mbi skandalin “Clean Diesel” të “Volkswagen”.

Do të jetë një bashkëpunim me “Paramount Pictures” dhe “Appian Way”, kompania e produksionit të Di Caprio. Skenari i është besuar Charles Randolph.

Filmi do të bazohet në librin e Jack Ewing, “Faster Higher Farther: The Inside Story of Volkswagen Scandal”. Sipas medies, mendohet se ky mund të jetë dhe titulli final, transmeton “TCH”.

Skandali i grupit “Volkswagen” konsiston në faktin se kishin instaluar softuerë ilegalë në makinat e tyre Clean Diesel, gjë që mundësonte mashtrimin me testin për emetimin e gazeve, përcjell albinfo.ch.