Zviceranët, kampionë bote për udhëtim me tren

Gjatë vitit 2012 ata kanë udhëtuar mesatarisht nga 2274 kilometra mbi shina. Japonezët, janë të dytët, me 1912 kilometra në tren brenda vitit

Me gjithë një ulje të shënuar në krahasim me vitin e kaluar, zviceranët mbeten edhe më tutje kampionë të pakontestuar të shfrytëzimit të trenit si mjet qarkullimi. Gjatë vitit 2012 ata kanë udhëtuar mesatarisht nga 2274 kilometra mbi shina, bën të ditur Shërbimi i Informimit për Transportin Publik (LITRA) Në vitin 2011 zvicerani mesatar pati bërë 2310 kilometra udhëtim me tren.

Menjëherë pas zviceranëve vijnë japonezët, të cilët kalojnë mesatarisht nga 1912 kilometra në tren brenda vitit, ndërsa danezët zënë vendin e tretë me 1365 kilometra.

Nga na tjetër, sa u përket numrit të udhëtimeve që ndërmarrin e tren, zviceraneve ua kalojnë vetëm japonezët, shkruan nzz.ch. Këta të fundit brenda vitit hipin në tren mesatarisht nga 69 herë ndërsa zviceranët këtë e bëjnë 51 herë. Në vendin e tretë në këtë kategori janë luksemburgasit me 40 herë dhe pas tyre vijnë danezët, me 37 herë.