Zvicrës i duhen më shumë emigrantë

Zvicra ka nevojë për më shumë emigrantë, tha ministrja suedeze për Tregti, Ewa Björling, në një intervistë për gazetën “SonntagsZeitung”. “Duhet të shihet si avantazh që vendi ka shumë emigrantë”, tha Jörling .

Politikania nga Suedia, Ewa Björling, i dëshiron Zvicrës më shumë emigrantë. Ajo i referohet sistemit të Suedisë, i cili mbështetet në emigracionin për të siguruar mirëqenien sociale.

Si në Zvicër, ashtu edhe në Suedi të dhënat demografike tregojnë se përqindja e njerëzve të moshuar llogaritet të jetë mbi mesataren. Në të njëjtën kohë, të rinjtë për shkak të shkollimit të tyre integrohen më vonë në tregun e punës.

“Çështja është se ne duam emigrantë të cilët punojnë.  Zvicra gjithashtu ka nevojë për ta”, tha Björling. Në Suedi që nga viti 2009 funksionon një sistem jashtëzakonisht liberal i emigracionit në vend.
Kush siguron një kontratë pune me një punëdhënës suedeze merr lejen e qëndrimit. Nuk ka rëndësi se nga cili vend i botës vjen. Kusht  është paga minimale bruto prej 2.000 frangash në muaj.

Nga ana tjetër, numri i kërkesave për azil ka shënuar rritje, tha Björling. “Ne duhet të kujtojmë se këta njerëz, të cilët kanë mbijetuar një krizë refugjatësh, nuk janë në gjendje menjëherë për të punuar”, tha Björling.

“Edhe Zvicra duhet të vazhdojë traditën e saj humanitare”, tha ministrja suedeze.