Vidhet kamera gjysmë milion dollarëshe gjatë xhirimit të filmit

Persona të paidentifikuar kanë vjedhur një kamerë në vlerë 500 mijë dollarë gjatë xhirimeve të filmit komedi "Dumb and Dumber 2"

Incidenti ka ndodhur ne qytetin Atlanta në SHBA, derisa kameramani po shkonte për drekë. Ai e la kamerën e shtrenjtë të mbyllur në makinë, shkroi portali TMZ i specializuar për ngjarjet në botën e famës.

Sipas gjetjeve fillestare të policisë, hajnat kanë marrë kamerën në makinën e kameramanit, i cili kishte për të xhiruar nga helikopteri.

Për informacionin që do të çojë në gjetjen e kamerës pason shpërblimi prej pesë mijë dollarëve.

Premiera e pjesës së dytë të filmit “Dumb and Dumber 2″ është planifikuar për vitin e ardhshëm, 2014, njëzet vjet pas premierës së pjesës së parë.

Të dy filmat janë të përkushtuar për aventurat komike nga miqtë e Harry dhe Llojd, të cilat karaktere i interpretojnë Jeff Daniels dhe Jim Carrey