Shtohet kujdesi për shëndetin por edhe mbipesha!

Sondazhi tregon se 41 për qind e popullatës mbi 15 vjeçare është me mbipeshë

Qytetarët e Zvicrës i kushtojnë gjithnjë e më shumë kujdes shëndetit të tyre. Por përkundër kësaj, siç tregon një sondazh i bërë nga Zyra Federale e  Statistikave ka gjithnjë më shumë njerëz me mbipeshë.

Sipas këtij sondazhi, numri i personave që së paku dy orë e gjysmë në javë ua kushtojnë ushtrimeve trupore është rritur nga 61.5% sa ka qenë në vitin 202 në 72 për ind në vitin 2012. Por në të njëjtën kohë është rritur edhe numri ose përqindja e zviceranëve me mbipeshë. Kështu, sondazhi tregon se 41 për qind e popullatës mbi 15 vjeçare është me mbipeshë.

Një pjesë jo e vogël e tyre kanë mbipeshë të theksuar, të sëmurë. Nga viti 1992 deri më sot numri i këtyre të fundit madje është shtuar afërsisht dyfish, duke mbërritur në vitin 2012 në 10 për qind, shkruan nzz.ch.

Marrë në përgjithësi, vazhdon sondazhi, popullsia e Zvicrës ndjehet shumë mirë me shëndet. Vetëm 3 për qind të të anketuarve kanë thënë se ndjehen keq. Problemet kryesore për shëndetin vazhdojnë t`i paraqesin, mbipesha, alkooli dhe duhani.