Rita Ora ndahet nga Andrew Garfield

Romanca e shkurtër mes Rita Orës dhe Andrew Garfield ka marrë fund. Mediat raportojnë se ylli i Hollywood la këngëtaren me origjinë shqiptare pasi dëshiron një jetë më private.

Rita thuhet se është e dëshpëruar nga vendimi i Garfield për t’i dhënë fund lidhjes së tyre pas vetëm katër muajsh, përcjell albinfo.ch.

“Rita është dëshpëruar nga kjo situatë. Andrew u nda me të kohët e fundit dhe ishte e vështirë për të pasi kaluan shumë kohë së bashku”, tha një burim për “The Sun”.

“Ata kaluan Krishtlindjet së bashku dhe këngëtarja mendoi se gjërat po shkonin mirë mes tyre”, shkruan kjo gazetë.

Këngëtarja dhe Garfield u panë për herë të parë së bashku në dhjetor duke ecur dorë për dore në Primrose Hill në Londër.