Rënie e pagave të menaxherëve

Në vitin 2007 shefat e 20 koncerneve të mëdha fitonin nga 2 milionë deri në 22 milionë franga në vit. Në vitin 2012, nga 2 milionë në 13 milionë

Në gjashtë vitet e kaluara në Zvicër është regjistruar një ulje e pagave për menaxherët dhe shefave të koncerneve, paga që vazhdimisht shkaktonin debate të ashpra në opinionin e këtushëm për lartësinë e tyre të paarsyeshme. Ndërkaq, po gjatë kësaj kohe është shënuar një ngritje e pagave të  anëtarëve të bordeve të kompanive.

Në këtë përfundim ka ardhur një studim i realizuar nga ndërmarrja për kontrollimin e kontabilitetit PwC.

Në kuadër të këtij studimi janë vlerësur veç tjerash 20 ndërmarrje zvicerane të kuotuara në bursa.  Pagat e shefave të bordeve të këtyre ndërmarrjeve kanë shënuar rënie prej 16 për qind. Ndërsa  e kundërta ka ndodhur me vetë shefat, menaxherët e këtyre koncerneve. Atyre u janë zbritur pagat gjatë kësaj periudhe për 17 për qind.

Shuma mesatare e pagave që kanë marrë shefat e 20 koncerneve gjatë pesë viteve të fundit ka rënë nga 8.1 milionë në 6.7 milionë franga, shkruan sfr.ch. Por, dallimi është edhe më i madh po u shikuan rastet e veçanta. Kështu, në vitin 2007 shefat e 20 koncerneve të përmendura të mëdha fitonin nga 2 milionë deri në 22 milionë franga në vit. Në vitin 2012 ndërkaq, nga 2 milionë deri në 13 milionë franga.