Helsinki, qyteti më i ndershëm i botës

Duke kërkuar qytetin më të sinqertë në botë është realizuar një hulumtim në 16 qytete të katër kontinenteve të botës. Qytetarët e këtyre qyteteve janë vënë në sprovë, duke i testuar me humbjen e 192 kuletave

Trotuaret, parqet, qendrat tregtare janë ideale për humbjen e kuletave. Dhe këtë aksion të testimit të ndershmërisë e kishin organizuar gazetarët e magazinës “Reader’s Digesta” në 16 qytete botërore.

Në kuleta ishin 40 euro, një fotografi familjare dhe një numër i telefonit celular. Janë kthyer një total prej 47 për qind të kuletave, që do të thotë gjysma e botës është jo e ndershme.

Testi i ndershmërisë çoi në gjetjen e 90 kuletave nga 192 sa i kishin shpërndarë nëpër 16 qytetet e mëdha të botës.

Skandinavët dolën të jenë shumë të ndershëm, kuletat mbeten të zhdukura më tepër në vendet jugore evropiane. Kështu në Helsinki u kthyen njëmbëdhjetë prej dymbëdhjetë kuletave të humbura.

Në Lisbonë të Portugalisë nga 12 kuletat e humbur është kthyer  vetëm një, nga një çift turistësh nga Holanda. Në Madrid të Spanjës janë kthyer vetëm dy nga 12 kuletat e humbura.

Edhe në Pragë të Republikës Çeke që njihet si një destinacion popullor turistik, janë kthyer vetëm katër nga 12 kuletat e humbura. Edhe Cyrihu i Zvicrës nuk është treguar i ndershëm. Në qytetin më të madh të Zvicrës janë kthyer vetëm 4 kuleta nga 12 që ishin humbur. Njëjtë kishin vepruar edhe në Rio de Janeiro, Brazil, e Bukuresht, Rumani.

Pastaj vijnë me radhë duke filluar nga pozita numër 10 qytetet Varshava, Londra, Lubjana, Berlini, Amsterdami, Moska, Nju-Jorku, Budapesti, Mumbai e deri te Helsinku i Finlandës.

“Ne, me të vërtetë jemi emocionuar që ka kaq shumë njerëz të ndershëm në botë”, thotë Raimo Moysa, redaktor i magazinës Reader’s Digest.

“Dhe më të impresionuar jemi ngase ndershmëria është një vlerë e cila është mbështetur gjithashtu në mënyrë të barabartë nga të rinj dhe të vjetër, burra dhe gra, të pasur dhe të varfër, e në kultura të ndryshme”, tha Moysa.