Pata në rrugë për të ngadalësuar shpejtësinë

Një komunë në rajonin francez të Oise ka marrë vendim për “rekrutimin” e disa qindra patave për të detyruar drejtuesit e automjeteve të udhëtojnë me shpejtësi brenda normave të lejuara

Komuna kishte menduar të vendoste gunga artificiale për t’i detyruar shoferët të ulnin shpejtësinë, por më pas ka ndryshuar mendimin.

Kështu drejtuesit e Komunës së Villotran kanë blerë qindra rosa, të cilat do të lejohen të lëvizin lirisht nëpër rrugë. Ndërkohë nëpër rrugë do të vendosen tabela që do të paralajmërojnë praninë e shpendëve në rrugë.

Lajmi, i cili po bënte xhiron e botës në internet, ka ngjallur jo pak reagime. Ka mjaft skeptikë që mendojnë se shoferët e papërgjegjshëm nuk do të ”druhen” nga prania e patave në rrugë dhe do t’i shtypin ato.