15 vjet më pas, gjen fëmijët nga fotografia e luftës në Kosovë

Adrian Weickart ka udhëtuar disa herë në Kosovë, dhe ka gjetur, 15 vjet pasi është bërë fotografia në fjalë, fëmijët nga fotografia

Fëmijë që bartin një fishek të madh granate sikur të kishin në duar një qese me sheqerka. Është një fotografi kjo e bërë ë vitin 1998 nga Peter Burckhard i organizatës Humanright Watch. Kjo fotografi qe bërë njëlloj ikone e luftës së Kosovës dhe qe shpërndarë në gjithë botën, për të mbledhur ndihma për Kosovën.  

I fascinuar nga kjo fotografi dhe i motivuar nga pyetjet si: “Kush janë këta fëmijë, a e kanë mbijetuar luftën dhe çfarë bëjnë ata sot?”, nxënësi Adrian Weickart ka udhëtuar disa herë në Kosovë, dhe ka gjetur, 15 vjet pasi është bërë fotografia në fjalë, fëmijët nga fotografia. Sot ata janë të rinj, tashme të rritur ndërsa Adrian Weickart ka shfrytëzuar nga rasti që me ta të zhvillojë një intervistë.

Nga kjo ka lindur ekspozita “Kinder im Kosovo” (Fëmijët në Kosovë), që mund të vizitohet nga 9 deri më 13 shtator në INSA Haus, në Erfurt, shkruan today.de.

Weickart me ekspozitën e tij dëshiron të luftojë kundër harresës dhe ta bëjë të qartë se të rritesh në paqe, sikur rriten fëmijët sot në Gjermani, nuk është diçka e vetëkuptueshme.

Ministrja gjermane për Çështje Evropiane Marion Walsmann e ka vizituar ekspozitën dhe ka dëgjuar rrëfimet mbrapa eksponateve, të autorit të saj, Adrian Weickart.