Shkalla e papunësisë në gusht, pothuaj e pandryshuar

Në krahasim me korikun gjatë gushtit kanë qenë 1440 të papunë më tepër por kjo nuk e ka prekur përqindjen e papunësisë, e cila mbetet sërish 3%

Shkalla e papunësisë gjatë muajit gusht në Zvicër ka pësuar një ngritje simbolike në krahasim me muajin korrik. Numri i gjithëmbarshëm i të papunëve, i regjistruar këtë muaj ka qenë 129.956 veta ose 1440 veta më shumë se në muajin paraprak.

Por, një ndryshim i tillë nuk e ka prekur pjesëmarrjen e të papunëve në numrin e përgjithshëm të njerëzve të aftë për punë, e cila mbetet sërish 3%.

Ndërkaq, krahasuar me gushtin e vitit 2012 (kur kjo shkallë ishte 2.8%) është shënuar një rritje prej 10133 të njerëzve që kërkojnë punë, bën të ditur Sekretariati Shtetëror për Ekonomi (Seco).

Më së shumti gjatë gushtit është rritur numri i të papunëve te të rinjtë. Në mesin e të rinjve të moshave 15 deri 24 vjeçare, në muajin gusht kanë qenë 20197 të papunë, që është për 2566 më shumë se një muaj më parë.