Më pak të papunë në Eurozonë

Për të dytin muaj radhazi, numri i të papunëve ka shënuar rënie në 17 vendet e Eurozonë

Megjithatë niveli i papunësisë mbetet përsëri i lartë, 12. 1 për qind – një shifër rekord për vendet e Bashkimit Evropian
 
Sipas një raporti të ri, numri i të papunëve është  ulur me 50 mijë gjatë qershorit dhe korrikut, por ka ende më shumë se 19 milionë njerëz të papunë në mbarë Eurozonën.
 
Analistët thonë se kjo është një shenjë se ekonomia e eurozonës, bashkërisht më e madhja në botë, po tregon shenja përparimi pas më shumë se një vit e gjysmë në recesion.

 Në Eurozonë është raportuar për një rritje ekonomike 0.3 për qind për periudhën prill-qershor.  
 
Banka Qendrore Evropiane tha se pret që rritja modeste të vazhdojë edhe për pjesën tjetër të vitit.