Rritet numri i njerëzve me ndihma sociale

2.5 për qind më shumë njerëz kanë kërkuar ndihma sociale gjatë vitit 2012 në Zvicër

Këto të dhëna janë publikuar në një raport të Iniciativës së qyteteve për politika sociale, ku janë përfshirë 13 qytete zvicerane. Në të njëjtën kohë kur popullsia është rritur, norma e asistencës sociale ka mbetur e pandryshuar.

Mesatarisht norma e ndihmave sociale llogaritet të jetë 5.5 për qind, por kjo ndryshon në varësi të qyteteve. Në Biel-Bienne dhe Lozanë më se 10 për qind e popullsisë jetojnë me ndihma sociale. Ndërsa në Uster të Cyrihut dhe në Zug nuk janë më pak se 2 për qind.

“Në Lozanë numri i prindërve të huaj që kanë mbetur pa punë është i lartë. Këto grupe qytetarësh më shpesh kanë nevojë për asistencë sociale”, tha Oscar Toscato nga Këshilli i Qytetit të Lausannes.

Javët e fundit mediet kanë raportuar për kalimin e njerëzve nga sigurimi invalidor (IV ) në asistencë sociale. Sigurimi invalidor  (IV)  ka ashpërsuar praktikën e saj për dhënien e pensioneve invalidore dhe këto raste kanë ndikuar në rritjen e numrit të njerëzve që kërkojnë asistencë sociale.

“Ne kemi pak prova për rastet të tilla”, tha Martin Waser, këshilltar i qytetit të Cyrihut.
“Rastet individuale nuk përjashtohet. Por, është e vërtetë se duhet të jeni të sëmurë për të marrë pensionin invalidor”, tha ai.

Numri i përfituesve afatgjatë të ndihmave sociale është veçanërisht i lartë te grupmoshat mbi 50 vjeç. Më shumë se gjysma e 50-vjeçarëve janë të varur nga ndihmat sociale për më shumë se tre vjet.