18 vjet burg për vrasësin e të birit

Si motiv për krimin e bërë, i dënuari ka përmendur në gjyq frikën se nëna e fëmijës do ta merrte atë me vete në vendin e saj të prejardhjes

Një person nga Bonsteten i Kantonit të Cyrihut, i cili në vitin 2010 e kishte vrarë të birin 5 vjeçar, është dënuar me 18 vjet burg nga Gjykata e Qarkut në Winterthur. Trupi gjykues ka konstatuar se babai 63 vjeçar njëherë e ka narkotizuar dhe pastaj ngufatur vogëlushin, duke e lënë të vdekur në një hotel të Winterthurit.

Rasti i rëndë kishte shërbyer për kritika edhe ndaj autoriteteve të komunës Bonsteten. Ato ia kishin besuar zviceranit të drejtën e përkujdesjes për djalin e përbashkët me një afrikane (ndërkohë e shkurorëzuar) përkundër faktit se ai më herët, para rreth 20 viteve kishte tentuar të mbyste edhe djalin e tij nga një martesë tjetër, duke e lënë invalid për tërë jetën. 

Si motiv për krimin e bërë, i dënuari ka përmendur në gjyq frikën se nëna e fëmijës do ta merrte atë me vete në vendin e saj të prejardhjes.