Pensionohet shefi i Microsoftit

Steve Ballmer është që nga viti 2000 në kreun e koncernit më të madh të softuerit në botë, të cilin e ka drejtuar me sukses të madh

Shefi i Microsoftit, Steve Ballmer pritet të pensionohet së shpejti, megjithëse nuk ka më shumë se 57 vjet. Kështu ka kumtuar koncerni më i madh në botë për softuer në një njoftim për medie. Ballmer, sipas këtij njoftimi,  do të lëshojë punën „brenda dymbëdhjetë muajve të ardhshëm“.

Që nga viti 2000 ai është në kreun e koncernit, të cilin e ka drejtuar me sukses të madh.

Menjüeherë pas lajmit për pensionimin e tij, bursat botërore kanë reaguar fuqishëm. Vlera e aksioneve të Microsoftit është rritur për 9 për qind.

Stafi menaxherial i Microsoftit ka krijuar ndërkohë një komision special për të gjetur pasuesin e Ballmerit.

Themeluesi dhe pronari i Microsoftit, Bill Gates me këtë rast ka deklaruar se është në dispozicion për të ndihmuar në gjetjen e një shefi të ri për koncernin.