E-Diaspora
Dënohet për kultivim kanabisi, arsyetohet se i duheshin të holla për shkollim!
22-vjeçari kishte nevojë për të ardhura që të përballonte studimet Master, argumentoi avokati, duke shtuar se ai e ka pranuar fajin
Armelind R., një 22-vjeçar shqiptar, i cili shkoi në Britani të Madhe për të ndjekur studimet për Master, përfundoi duke kultivuar kanabis.
I riu shqiptar u dënua nga gjykata angleze me 2.8 vjet burgim, pasi u gjet fajtor për mbjelljen e 800 bimëve narkotike.
Shtëpinë e tij e kishte kthyer në një punishte, brenda së cilës ushtronte aktivitetin ilegal. Ai u arrestua më 7 dhjetor të vitit të kaluar, pasi policia shkoi për kontroll. Autoritetet u njoftuan nga banorët e zonës, të cilët kishin krijuar dyshime rreth jetesës së Armelind R., shkruajnë mediat shqiptare.
Prokurorja e çështjes, Emma Atkinson, tha se 22-vjeçari kishte krijuar dy dhoma të ndryshme për kultivimin e lëndëve narkotike, vlera e të cilave shkonte deri në 672 mijë funte. Armelind R. ka pranuar kultivimin e drogës, por tha se ishte detyruar nga persona të tjerë dhe familja e tij ishte kërcënuar, përcjell albinfo.ch.
Avokati i tij mbrojtës u shpreh në gjykatë se Rexha është person i diplomuar dhe puna e tij fillestare ishte si kopshtar, por gjërat morën përmasa më të mëdha. 22-vjeçari kishte nevojë për të ardhura që të përballonte studimet Master, argumentoi avokati, duke shtuar se shqiptari e ka pranuar fajin.
Kurse gjykatësi deklaroi se sasia e lëndëve narkotike ishte pothuajse prodhim i kategorisë industriale. Ai pranoi gjithashtu se Armelind R. ishte vetëm një kopshtar, ndoshta i detyruar apo kërcënuar nga persona të tjerë, por ishte i vetmi që u gjet pranë plantacioneve kur u krye operacioni policor. Për këtë arsye, 22-vjeçari u dënua me 2 vjet e 8 muaj burgim.
Të ngjashme
Të tjera nga E-Diaspora
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Austri
-
Vjenë: Droni “kap” 5 shqiptarë që po punonin në të zezë Policia financiare ka kapur pesë punëtorë të paligjshëm në një çati kantieri. Shtetasit shqiptarë ishin fshehur...
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë