Tmerrohet zvicerani, ia varrosin babanë e ndjerë në varr anonim

Një zviceran nga Schaffhauseni e kishte humbur varrimin e babait të tij të ndjerë. Varrmihësi e kishte varrosur urnën më herët se sa ka qenë e paraparë

Tetë muaj më parë, babai i Christoph Hedingerit kishte vdekur. Por, ai nuk mundi t’i thoshte lamtumirë atij. Hedingeri e  kishte humbur varrimin e të atit në varrezat e Schaffhausenit. Një varrmihës e kishte varrosur hirin e të atit më herët se koha e marrëveshjes, në një varr të përbashkët anonim, pa urnë.

“Për mua, ishte sikur një goditje me thikë në zemër”, thotë Hedinger për “Schaffhauser Nachrichten”, përcjell Albinfo.ch. Ai kishte bërë një marrëveshje me entin e varrimit që  babai i tij të varroset më 12 mars, në ora 15.00. Mirëpo, në atë kohë askush nuk ka qenë aty.

Një punëtor i varrezave i kishte thënë se ishte tepër vonë. Varrimi i të ndjerit ishte bërë në orën 10:00. Që nga incidenti, Hedingeri nuk ka qenë më te varri: “Po ndjehem ikur babai im të mos jetë aty”.

“Nga ana e entit së varrimit, gjithçka ka shkuar si duhet”, pohon Leo Mueller, drejtor i entit të varrimit në Schaffhausen, njofton Albinfo.ch. Mosmarrëveshja është shkaktuar pasi Hedingeri nuk kishte dashur të marrë pjesë në varrim.

---