Kinema
Festivali i filmit Cottbus mbi dialogun politik në Europën Lindore
Dialogu politik në Europën Lindore do të jetë temë qendrore e Festivalit të filmit të 28-të, Cottbus. Nga 6 deri më 11 nëntor, 220 filma do të shfaqen, nëmes tjerash nga regjisorë rusë, maqedonas, kazakë dhe shqiptarë.
Festivali dëshiron të tregojë diversitetin e Europës Lindore dhe të kontribojë kundër polarizimit të diskursit politik nën ndikimin e populizmit, ka pohuar drejtori i programit, Bernd Buder, transmeton Albinfo.ch.
“Këtu, do të diskutohen paragjykimet dhe do të bisedohet në kushte të barabarta për ngjashmëritë dhe dallimet e pikëpamjeve të botës, nga Lindja dhe Perëndimi”.
“Festivali i filmit Cottbus, e merr përgjegjësinë e tij si një platformë për dialog të vërtetë – dhe kjo në një vend, ku pikëpamjet dukshëm janë kontradiktore”, ka thënë më tej Buder, duke iu referuar demonstratave ksenofobike në Kotbus, njofton Albinfo.ch.
Një nga pikat e forta të filmit të Europës Lindore është të diskutojë midis rreshtave dhe të parashtrojë si çështje sigurinë shoqërore”.
Megjithatë, është dashur të prolongohet për vitin e ardhshëm një homazh i planifikuar, ndaj regjisorit hungarez të filmit, István Szabó. Szabó ishte i angazhuar në një film të tanishëm, është thënë nga organizatorët, ztransmeton Albinfo.ch.
Në muajin shkurt, regjisori do t`i mbushte 80 vite dhe që nga viti 2000, ka qenë president nderi i Festivalit të filmit Cottbus, i cili është i specializuar për filma të Europës Lindore. Një nga veprat më të njohura të Szabó është filmi “Mephisto” (1981), i cili fitoi një Oskar për filmin më të mirë në gjuhë të huaj.
Për çdo vit, ditët e filmit në Cottbus, në disa vende i ndjekin më shumë se 20.000 vizitorë.
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtarë të Filmit në Gjenevë
-
Ardon Jashari largohet përfundimisht nga Lucerni
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi