S’mund të kërkojmë liberalizim pa e pastruar vendin

Kryeministri Haradinaj, ka paralajmëruar se që gjithë ata qytetarë që hedhin mbeturina në vende të pacaktuara dhe nuk kujdesen për ambientin, do të ndëshkohen.

Në aksionin “Ta pastrojmë Kosovën”, që u organizua në komunën e Gjakovës, kryeministri tha se nuk mund të kërkohet liberalizim i vizave dhe në anën tjetër ta ndotim ambientin.

“Dënimet, ndëshkimet do të jenë reale, pra nuk do të lejohet të vazhdohet si deri tani. Tash ne po mburremi me disa tema tjera, mburremi se po bëjmë ushtri, se po hyjmë në Interpol, e kërkojmë liberalizimin, a në fakt, shikoni si e hedhim bërllokun”, ka thënë Haradina. Koordinatori i organizatës “Let’s do it Kosova”, Luan Hasanaj, bëri thirrje që pronat e përbashkëta të mirëmbahen. Ai tha se shpreson që nuk do të kenë nevojë të kthehen prapë në këtë hapësirë për të pastruar. Tregoi se deri tash janë larguar 322 deponi ilegale mbeturinash në tërë vendin.

---