Enis Bardhi vazhdon me Levanten edhe për disa vite të tjera

Mesfushori shqiptar i Levantes, Enis Bardhi, ka rinovuar kontratën me këtë skuadër deri në vitin 2022, me mundësi vazhdimi edhe për dy vite të tjera. Veç vazhdimit të kontratës, Bardhi do ta ketë klauzolën e lirimit prej 50 milion eurove dhe rritjen e pagës dyfish më shumë, raportojnë mediat spanjolle.

Bardhi shihet si njëri ndër futbollistët kryesorë tek ekipi i Levantes, skuadër te e cila u transferua vitin e kaluar, nga Ujpesti i Hungarisë për 1.5 milion euro. Vitin e kaluar realizoi nëntë gola në 26 paraqitje, kurse sivjet ka një gol e një asistim në tetë ndeshje në ligë.