Sesioni informues në Shtuttgart: Klima e Investimeve në Kosovë

Pjesëmarrësit ndër tjera u njoftuan edhe rreth Ligjit për investime strategjike në Kosovë, si dhe rreth shërbimeve e procedurave tatimore, doganore dhe privatizuese në Kosovë

Ministria e Tregtisë dhe Industrisë së Kosovës përmes Agjencisë për Investime dhe Përkrahjen e Ndërmarrjeve në Kosovë (KIESA), në bashkëpunim me Ministrinë e Punëve të Jashtme, Ministrinë e Diasporës dhe Investimeve Strategjike dhe Ambasadën e Republikës së Kosovës në Gjermani, organizuan në Shtutgart të Gjermanisë, Sesionin Informues: “Klima e Investimeve në Kosovë”, përcjell albinfo.ch.

Kreshnik H. Thaqi, udhëheqës i sektorit për promovim të investimeve në KIESA, informoj përfaqësuesit e bizneseve nga diaspora shqiptare në Gjermani rreth mundësive për investime në Kosovë.

Sesioni informues është mbajtur të shtunën 06.10.2018 në ambientet e Konsullatës se Kosovës në Shtutgart, në të cilin morën pjesë mbi 20 binzese të diaspores.

Pjesëmarrësit ndër tjera u njoftuan edhe rreth Ligjit për investime strategjike në Kosovë, si dhe rreth shërbimeve e procedurave tatimore, doganore dhe privatizuese në Kosovë.

Pas sesionit informues, përfaqësuesit e KIESA-s kanë marrë pjesë në takimin e organizuar nga Unioni i Bizneseve Shqiptare me bizneset e rajonit të Ludwigsburgut, gjatë të cilit takim bizneset shqiptare të këtij rajoni po ashtu u njoftuan rreth ambientit të biznesit në Kosovë dhe u ftuan të vijnë të bëjnë biznes në Kosovë.

---