Filharmonia e Kosovës me tri premiera

Soprano e kësaj nate të koncertit do të jetë Arta Jashari, në fizarmonikë do të jetë Elton Balla dhe në piano Artemida Qarri-Haxhiaj.

 

Filharmonia e Kosovës ka njoftuar se këtë të diel do të mbajë koncertin e radhës në të cilën do të prezantohen tri premiera botërore. Drejtori i Filarmonisë së Kosovës, Baki Jashari, ka thënë se ky koncert është një ngjarje e veçant në të cilën rolet solistike ngërthehen me ato të grupeve. Megjithatë, udhëheqësi i Filharmonisë Kosovare është ankuar për mungesë të sallave të përshtatshme koncertuale.

Koncerti do të zhvillohet në kuadër të Festivalit Ndërkombëtar të Vokalit në Prishtinë. Për herë të parë para publikut kosovar do të luhet vepra “Misa a Buenos Aires/ Misatango”, të Martin Palmerit. Soprano e kësaj nate të koncertit do të jetë Arta Jashari, në fizarmonikë do të jetë Elton Balla dhe në piano Artemida Qarri-Haxhiaj.

---