Thaçi viziton liqenin e Ujmanit, pi kafe me serbët e veriut

Presidenti i Kosovës fillimisht ka ndaluar në Bërnjak, ku siç thotë ai ka qenë i mirë pritur për një kafe nga qytetarët serbë dhe i ka falenderuar ata për këtë, kurse më pas ka shkuar drejt natyrës më të bukur të veriut, në liqenin e Ujmanit.

“Natyra e Ujmanit është mrekulli e vendit tim, unë e dua natyrën, i dua bjeshkët, e dua ecjen, dhe natyrisht e dua edhe lundrimin, për këtë vizitova edhe këtë bukuri të Kosovës”, tha presidenti i Kosovës Hashim Thaçi, shkruan albinfo.ch. “Nga ky aset i mrekullueshëm i Kosovës, u dërgoj mesazh të gjithë qytetarëve pa dallim etnie që të punojmë të gjithë sëbashku për Kosovën europiane, për njohjen reciproke Serbi-Kosovë,” tha më tej Thaçi buzë liqenit të Ujmanit.

Me këto veprime Thaçi ka dashur të tregojë se prezenca e Kosovës është edhe në këtë pjesë, ku Serbia e pretendon të veten.