Kritika të ashpra për Kasamin

Sioni ka shënuar humbjen e pestë radhazi dhe kjo është e kuptueshme se pse trajneri Yakin është i zemëruar me 26 vjeçarin.

Trajneri i ri i Sionit, Murat Yakin, duket se nuk është i kënaqur me paraqitjet e lojtarit shqiptaro-zviceran Pajtim Kasami (26), përcjell albinfo.ch, shkrimin e blick.ch. Kjo vërehet gjatë përballjes së djeshme mes Sionit dhe FC Zürich-ut, ku Pajtim Kasami nuk ishte titullar dhe u fut në lojë si zëvendësues në minutën e 64. Ngjashëm vlen edhe për sulmuesin tjetër, Adryan (24), i cili nuk është futur në lojë prej kur humbi penaltinë kundër YB.

Si pasojë e kësaj, francezi Nasser Daoudou (20) ka fituar një shansë për të treguar veten. Sioni ka shënuar humbjen e pestë radhazi dhe kjo është e kuptueshme se pse trajneri Yakin është i zemëruar me 26 vjeçarin.

Dy lojtarët e lartëpërmendur “kanë mundësinë nga taktika të tregohen fleksibil. Është kështu, pasi unë kam më shumë mundësi. Gjithashtu në listën e sulmuesve kemi lojtarë të ri, që mund të aktivizohet dhe të ruajnë vendin.”

Nëse Pajtim Kasami do vijojë të ulet në stol, pritet të shihet në javët e ardhshme.

---