Pas një ndjekje midis policisë dhe një trotineti elektrik, portugezi 48-vjeçar, Luisi, më kot u përpoq për t’i shpëtuar agjentëve policorë më 29 prill, në orën 3 të mëngjesit. I dehur, me një nivel alkooli në gjak prej më shumë se 1 për qind, ai u hetua shpejt, pasi po bënte zigzage me trotinetin e tij në rrugën për në Riaz të Bulle. Një patrullë policore iu vu pas, duke i ndezur dritat blu dhe sinjalin “Stop policia”.

Por Luis, tashmë i dënuar dy herë që nga gushti 2014, duke përfshirë edhe ngasjen e dehur, me këtë shaka ka rrezikuar të ardhmen e tij jo vetëm në dy, por edhe në katër rrota. Pra, kur policia po tentonte ta ndalonte, ai u përpoq të vraponte me trotinetin e tij elektrik. Policët e ndoqën në këmbë dhe e arrestuan pak më tej, shkruan “20 Minutes”, përcjell Albinfo.ch.

Për vepra të rënda të trafikut, të datës qershor 2016, ngasje nën ndikim të alkoolit, përpjekje për të penguar masat për paaftësinë e ngasjes dhe parandalimin e tij për kryerjen e veprimit zyrtar, drejtësia e Fribourg portugezin e dënoi me 150 gjoba ditore të llogaritura me një shumë prej 100 frangash në ditë, që gjithsej arrijnë shifrën prej 15 mijë frangash zvicerane. Kësaj duhet t`i shtohen edhe 565 franga shpenzime gjyqësore. I detyruar të ecë në këmbë, portugezi nuk ka paraqitur ankesë.