Shpartallohet njëra nga bandat më të rrezikshme plaçkitësish

Sipas të dhënave të policisë bëhet fjalë për njërën nga bandat më të mëdha të kohëve të fundit. Video-incizimet policore tregojnë sesi plaçkitësit rrëmbenin njerëzit nën kërcënime ose në apartamentet e rajonit kufitar francezo-spanjoll, kryesisht në qytetet La Jonquera dhe Tarragona, shkruan albinfo.ch.

Bëhet fjalë për bandën me 15 kosovarë, të akuzuar për plot 100 grabitje dhe vjedhje prej 150 mijë eurove. Lajmi është publikuar edhe në mediat tjera europiane si panorama.nl.

Banda kryesisht ka vjedhur turistët, mbi të gjitha gjatë verës. Sipas skenarit të tyre, njëri i afrohet viktimës për ta ndihmuar pas vjedhjes së parë, dhe më pas ky i dyti ia grabit celularët, tabletët, kamerat dhe sendet tjera me vlerë nga automjeti.