Aksident i rëndë, vinçi rrëzohet mbi kokën e punëtorit

Gjatë një aksidenti të punës, që ka ndodhur të martën në Ermatingen TG, një punëtor 56-vjeçar e ka humbur jetën

Pak pas orës 11:00, disa punëtorë kanë qenë duke kryer punë betonimi në një kantier në  “Hauptstrasse” në Ermatingen. Për shkaqe ende të panjohura deri më tani, me këtë rast është rrëzuar pjesa horizontale e vinçit ndërtimor, duke e goditur një punëtor në kokë, thuhet në një komunikatë të Policisë Kantopnale të Thurgaut, njofton Albinfo.ch.

Pas plagëve të rënda, zvicerani 56-vjeçar ka ndërruar jetë në vendngjarje.

Për hetime forenzike dhe shkakun e aksidentit është angazhuar Shërbimi për krime teknike i Policisë Kantonale të Thurgaut.

Përpos kësaj, në vendngjarje ka qenë edhe një ekspert i sigurimit invalidor Suva. Prokuroria e Kreuzlingenit është duke kryer hetim penal.