Policia zvicerane konfiskon drogë me vlerë prej dy milionë frangash

Gjatë hetimeve më intensive të Policisë Kantonale në Thurgau, në bashkëpunim me autoritetet e hetuesisë në Köln të Gjermanisë, nga fundi i muajit prill është mundësuar arrestimi i një shtetasi 43-vjeçar turk dhe një shqiptari 48-vjeçar në Gjermani

Ilustrim

Policia Kantonale e Thurgaut, në bashkëpunim me Prokurorinë në Kreuzlingen, ka konfiskuar 14 kilogramë heroinë në një vlerë të përgjithshme prej dy milionë frangash.

Gjatë një kontrolli në nëntor të vitit të kaluar, në vendkalimin kufitar Kreuzlingen, nëpunësit doganorë kanë gjetur katër kilogramë heroinë në veturën e një turku 42-vjeçar.

Policia e arrestoi menjëherë turkun dhe me urdhër të Prokurorisë në Kreuzlingen, e konfiskoi drogën.

Gjatë hetimeve më intensive të Policisë Kantonale në Thurgau, në bashkëpunim me autoritetet e hetuesisë në Köln të Gjermanisë, nga fundi i muajit prill është mundësuar arrestimi i një shtetasi 43-vjeçar turk dhe një shqiptari 48-vjeçar në Gjermani. Vetura e turkut është konfiskuar në Zvicër. Gjatë kontrollit të saj, autoritetet zvicerane gjetën dhjetë kilogramë heroinë.

Deri më tani janë konfiskuar gjithsej 14 kilogramë heroinë me kualitet të lartë. Vlera e shitjes nëpër rrugë arrin shifrën prej dy milionë frangave.