Dy vite burg për shqiptarin që ngacmoi seksualisht kolegen 15-vjeçare

Ajo ishte vetëm 15-vjeçare dhe sapo kishte filluar ta bëjë praktikën për ngjyrosëse. Gjatë kësaj kohe, ajo u takua me kolegun e saj të punës dhe torturuesin, Arben T. (42). Tani, Arbeni është dënuar për ngacmim seksual

Rrobat e tij të punës, Arben T. (42) do të duhet t’i zhveshë. Ngjyrosësi shqiptar ka keqtrajtuar një vajzë praktikante në firmën ku ka punuar, në vitin 2016, kur ajo ishte vetëm 15-vjeçare. Për këtë vepër, Arbeni është dashur të përgjigjet para Gjykatës rajonale të Solothurnit.

Akuzat që e rëndonin Arbenin, ishin: Shtrëngim seksual, veprime seksuale me fëmijë, ngacmim seksual – të gjitha të shumëfishta!, përcjell albinfo.ch.

Gjithçka kishte filluar më 19 shtator 2016. Agroni e ngacmon vajzën që po e shoqëronte me automjetin e firmës, ajo mbrohet, por fillimisht pa sukses.

Më 20 shtator, përsëri përpjekje për ta ngacmuar, ndërsa ajo sërish fillon të mbrohet.

Edhe më 21 shtator, Arbeni vazhdon ta ngacmojë seksualisht. Ajo e kafshon në gisht.

Më vonë, praktikantja rrëfen se Arbeni ishte bërë më agresiv, duke e kërcënuar se kafshimi i gishtit është vepër penale. Me këtë rast, ajo e ka goditur në mes të këmbëve dhe është larguar.

Në tetor të vitit 2016, ajo e denoncon Arbenin. Në një seancë gjyqësore të shkurtë, Gjykata e dënoi Arbenin me dy vite burg me kusht dhe kompensim në të holla në formë të dëmshpërblimit në një shumë prej 11 000 franga zvicerane.

Përpos kësaj, Arbeni do të duhet të paguajë edhe një gjobë prej një mijë frangash, ndërsa ushtrimi i punës me të miturit i është ndaluar për dhjetë vitet e ardhshëm. Aktualisht, ai është duke punuar gjetiu.

Nga ana tjetër, viktima e ka ndërruar praktikën.