Informata të reja lidhur me Adea Shabanin

Gjatë një konference për shtyp të policisë së Los Angelesit, të ditës së martë, zëdhënësi i saj ka deklaruar: "Për momentin besojmë se kufoma është e Adea Shabanit".

Mund të imagjonohet se si e ndjeu veten para dy vitesh, shqiptarja e re nga Maqedonia,   Adea Shabani kur zbriti nga avioni në Aeroportin e Los Angelesit. Me mijëra kilometra larg vendlindjes së saj të Maqedonisë, por me ëndrra të mëdha në bagazhin e saj. Aktorja shqiptare donte të krijonte karrierë të madhe në Hollywood, bile kishte arritur që të luajë një rol të vogël.

Pas kësaj, aktorja 25-vjeçare shqiptare zhduket përnjëherë, pa lënë ndonjë gjurmë. Të martën, policia e Kalifornisë ka gjetur një kufomë të varrosur në rezervatin natyror “Spenceville ëildlife Area” me dyshimin se mund të jetë e Adea Shabanit. I dyshuari kryesor është partneri i saj tashmë i ndjerë, i cili supozohet se fillimisht e ka vrarë Adean dhe më pas ka kryer vetëvrasje.

Sipas asaj që shkruan “People”, 33-vjeçari Christopher Spotz më 22 mars të këtij viti kishte vrarë veten me një plumb në kokë pas përndjekjes nga policia, shkruan “Promoflash”, përcjellë “Albinfo”. Zyrtarët e identifikuan si partner të Adeas së zhdukur duke shtuar dyshimet se ka qenë i involvuar në vdekjen e saj.

Gjatë një konference për shtyp të policisë së Los Angelesit, të ditës së martë, zëdhënësi i saj ka deklaruar: “Për momentin besojmë se kufoma është e Adea Shabanit”.

Obduksioni i kufomës do të duhet të zbulojë identitetin e kufomës dhe shkakun e vdekjes. Zëdhënësi më tej ka pohuar: “Dyshojmë në vrasje, megjithatë, vetëm pas obduksionit mund të nxjerrim përfundime të sakta”.