Rritet për 0.7 përqind numri i banorëve në Schaffhausen

Është rritur numri i banorëve në Kantonin Schaffhausen, ashtu siç ka ndodhur viteve të fundit, me një tempo të moderuar. Në fund të 2017 kantoni zviceran ka pasur 81.409 banorë, që është për 579 persona ose 0.7 përqind më shumë sesa vitin e kaluar. Njëlloj edhe në fund të 2016 rritja ishte për 0.7 përqind, shkruan bluewin.ch.

Numri i të huajve përbën 26 përqind, që shënon një rritje të vogël prej 0.15 përqind në krahasim nga viti i kaluar. Shumica e të huajve vijnë nga Gjermania, ndjekur nga italianët, shtetasit e Maqedonisë dhe Kosovës.