5 qytete të Zvicrës, në listën e 10 vendeve ku përdorët më së shumti kokaina

Në listën e 10 vendeve të para për përdorimin e kokainës në Evropë, pesë prej tyre janë qytetet e Zvicrës. Ky raport është publikuar nga Qendra Evropiane për Monitorimin e Drogës dhe Vartësisë që përfshin gjithë kontinentin evropian, njofton albinfo.ch.

Lista me 10 vendet e para për përdorimin e kokainës kryesohet nga Barcelona. Ndërkohë, menjëherë pas saj renditet Cyrihu. Në mesin e listës gjenden edhe qytetet: St. Gallen dhe Gjeneva, të cilat gjendet në vendin e katërt dhe të pestë, ndërkohë dy qytete të tjera të përfshira në këtë listë janë edhe Bazeli dhe Berna, që gjenden në vendin e tetë dhe të nëntë.

 Ndërkohë, edhe pse në vitet 2014 dhe 2015 Londra ishte qyteti që udhëhiqte këtë listë, së fundmi nuk është fare në 10 vendet e para.

Ndërkohë, në raport thuhet se kryeqyteti evropian i përdorimit të amfetaminave është Eindhoven në Holandë. Amsterdami kryeson listën për përdorimin e MDMA.

Të dhënat u finalizuan pas analizave të mostrave të ujërave të zeza të 56 qyteteve, në 19 shtete të Evropës.