E-Diaspora

Puna në të zezë: Arrestohet një shqiptar dhe një gjerman

E enjte, 8 Mars 2018 - 10:49 albinfo.ch

Në 24 shkurt policia financiare gjermane kishte një kontroll në një restorant në Frankfurt, shkruan focus.de. Menjëherë pas hyrjes së tyre, u vërejtën kuzhinierë duke u larguar nga vendi i punës, përcjell albinfo.ch. Kjo për të mos rënë në kontakt me policinë. I pari ishte një shqiptar 35 vjeçar, i cili kishte ardhur dy ditë më parë si turist. Si shtetas shqiptar ai mund të udhëtojë pa vizë 90 ditë në Gjermani, megjithatë nuk ka të drejtë pune. Për këtë 35 vjeçari u është dorëzuar autoriteteve të drejtësisë gjermane.

Personi i dytë i arrestuar është një gjerman 58 vjeçar, i cili, edhepse kishte të drejtë pune, nuk kishte sigurim shëndetësor.