Italiani i lindur në Zvicër merr nënshtetësinë zvicerane, por jo gruaja e tij

Sipas shtypit, Antonia Scanio, e cila ka jetuar në Zvicër që nga mosha 18 vjeçe, nuk u është përgjigjur pyetjeve që kanë të bëjnë me gjeografinë, historinë dhe institucionet e Zvicrës, duke përfshirë edhe pamundësinë e emërtimit të tre lumenjve, burimi i të cilëve është në Zvicër

Keystone

Një shtetas italian, 46-vjeçar, i cili ka lindur në Zvicër, më në fund ka marrë nënshtetësinë zvicerane nga Komuna e Nyonit, pasi fillimisht i ishte refuzuar nga një komision i natyralizimit, por gruaja e tij portugeze, banore afatgjate në Zvicër, nuk e ka marrë, shkruan albinfo.ch.

Ky rast kishte bërë bujë vitin e kaluar kur Salvatore dhe Antonia Scanio dhe tre fëmijët e tyre, të cilët kanë jetuar në Nyon për një dekadë dhe Zvicër për më shumë kohë, u gjykuan se nuk kishin përmbushur kërkesat për nënshtetësinë zvicerane, shkruajnë mediat zvicerane.

Kjo kishte zgjuar edhe vëmendjen e ministrit të brendshëm në atë kohë, Alain Berset, tani president i Zvicër, duke ndërhyrë, dhe duke ofruar përkrahjen e tij për këtë çift.

Ai ishte marrë në intervistë, dhe pasi nuk i plotësoi kushtet, iu refuzua nënshtetësia, një vendim që për Salvatorin, i lindur në Gjenevë, ishte i vështirë për t’u marrë.

Autoritetet e qytetit të Nyon kanë shqyrtuar rastin përsëri dhe kanë ndërruar vendimin, ku Salvatore së bashku me tre fëmijët kanë marrë nënshtetësinë zvicerane, por jo edhe Antonia Scanio, raportoi “Le Temps”.

Ai i plotësoi kërkesat e ligjit kantonal. Por, jo edhe gruaja e tij, sipas autoriteteve.

Sipas shtypit, Antonia Scanio, e cila ka jetuar në Zvicër që nga mosha 18 vjeçe, nuk u është përgjigjur pyetjeve që kanë të bëjnë me gjeografinë, historinë dhe institucionet e Zvicrës, duke përfshirë edhe pamundësinë e emërtimit të tre lumenjve, burimi i të cilëve është në Zvicër.

Pyetjet ishin, sipas “Le Temps”, të nxjerra nga një broshurë që kandidatët për shtetësi u janë dhënë për t’u përgatitur për intervistën.

Salvatore ka thënë se gruaja e tij i dinte përgjigjet, por u bë e turbulluar për shkak të qëndrimit “sarkastik dhe përbuzës” të panelit të intervistës.

Shënimet nga intervista tregojnë se të dy, burri dhe gruaja i plotësuan kriteret vendimtare për integrimin dhe aftësitë gjuhësore, tha gazeta.

Familja do të shqyrtojë tani apelimin e vendimit në gjykatat civile.

Çështja edhe njëherë ndriçon dritën mbi rregullat strikte, por ndonjëherë arbitrare të qytetarëve, të cilat ndryshojnë nga kantoni në kanton.