“Swatch” raporton rritje të fitimit

Prodhuesi zviceran i orëve, “Swatch Group”, arriti rritjen e parë vjetore të profitit pasi kompania rriti pjesën e saj të tregut të orëve të lira, falë rritjes së markave të saj “Tissot” dhe “Swatch”, shkruan Bloomberg, përcjell albinfo.ch.

Fitimet operative u rritën 25 për qind, në 1 miliard franga (1.1 miliard dollarë), tha kompania në një deklaratë. Analistët presin 990 milionë franga.

“Swatch” tha se kishte “rritje të madhe” në pjesën e tregut në segmentin e mesëm dhe në modelin bazë. Shumica e konkurrentëve të kompanisë po luftojnë me rënien e kërkesës, pasi “Apple” është bërë markë më e madhe e orëve në botë.

“Grupi Swatch ka të ngjarë të fitojë një pjesë në segmentin e ulët që tërheq prodhuesit e orëve tradicionale që dalin prej saj”, komentoi John Cox, një analist në “Kepler Cheuvreux”.

Të ardhurat nga shitjet e grupit “Swatch” u rritën në 7.96 miliardë franga. Nëse përjashtohen luhatjet e kursit të këmbimit, rritja është 5.8%, e cila tejkalon parashikimin e analistëve të anketuar nga “Bloomberg”, me rritje prej 4.5%, shkruan albinfo.ch.