Unioni i bizneseve shqiptaro-gjermane edhe me biznese jashtë Gjermanisë

Në vitin 2018 do ketë një platformë gjithëpërfshirëse për bizneset edhe jashtë territorit të Gjermanisë

Kryesia e Unionit të bizneseve shqiptaro-gjermane, mbajti takimin e fundit të punës për vitin 2017, përcjell albinfo.ch.

Në këtë mbledhje u fol për veprimtarinë gjatë vitit 2017, duke folur për sukseset që kishin.

“U rikujtua përkrahja e 143 studenteve nga Universiteti publik dhe pesë nga Kolegji Heimerer, me bursa vjetore, pjesëmarrja në panairin e punës në Prishtinë dhe punësimi i mese 60 punëkërkuesve nga Kosova, pjesëmarrja në takimet B2B, në bashkëpunim me OEGJK, ku si rezultat kemi nënshkrimin e 4 kontratave, vizita te kryeministri dhe presidenti i RKS, takimi me Ambasadorin e Gjermanisë në Kosovë, Held, vizita në ambasadën e Kosovës ne Gjermani dhe shumë e shumë aktivitete promovuese që UB i sollën se paku 70 anëtar të rinj”, thuhet në komunikatë.

Platforma strategjike e veprimit për vitin 2018 dhe strukturimi i mëtutjeshëm i shërbimit të administratës ishin një ndër pikat e rendit të ditës së këtij takimi.

Në vitin 2018 do ketë një platformë gjithëpërfshirëse për bizneset edhe jashtë territorit të Gjermanisë.