Arrestohet në Zvicër i kërkuari për skandalin e naftës në Shqipëri

Është ndaluar në Zvicër për llogari të drejtësisë shqiptare një ndër biznesmenët e përfolur dy vite më parë në lidhje me skandalin e naftës “virgin”, raporton “TCH”.

Sipas burimeve të Interpol-it, Adrian Xhillari, i shpallur në kërkim ndërkombëtar, u akuzua nga Prokuroria e rrethit gjyqësor të Fierit për shitjen e 4.4 milionë litrave naftë të papërpunuar me qëllim shmangien e akcizës, përcjell albinfo.ch.

Xhillari u ndalua nga policia lokale dhe do të mbahet në gjendje burgimi deri në mbërritjen e plotë të dokumenteve të tij lidhur me kërkesën e ekstradimit. Gjyqi do të zhvillohet në Zvicër.