U largua gjatë luftës, tash trajnon pilotë në Kanada

Është larguar gjatë luftës së Kosovës, si refugjat, derisa tani është shumë i suksesshëm në Kanada. Ky është Mërgim Veliu, i cili tani trajnon plot të rinj në fushën e pilotimit.

Mërgimi e kishte lënë Kosovën si shtatë vjeçar, si refugjat i luftës, për t’u bërë më pastaj trajnues i pilotëve në Kanada, ku edhe jeton me familjen e tij, raporton “Klan Kosova”.

25-vjeçari që e kreu shkollën atje, dhe tani është shumë i suksesshëm. Mërgimi me keqardhje pranon se këtë nuk do ta arrinte po të ishte rritur në Kosovë.

“Shteti i Kanadasë më ka ndihmuar. Aty trajnohen shumë pilotë të ri, ka shumë nga Kina, që më pas kthehen në vendlindjet e tyre”, thotë ai.

Gjithë njohurit që ka në këtë fushë Mërgimi thotë se me shumë dëshirë do t’i bartë edhe në Kosovë, kurdo që të krijohen mundësitë.
“Me dëshira do të kisha ndihmuar edhe vendin tim”, theksoi Mërgimi.