Çmimet për të vizituar akuariumin më të madh në Evropë

Biletat për të hyrë në këtë akuarium janë 29 franga për të rritur, 19 franga për fëmijë dhe falas për fëmijët e moshës nën pesë vjeç

Të shtunën në Lozanë është hapur akuariumi më i madh i ujërave të ëmbla në Evropë, shkruan ‘The Local’.

Biletat për të hyrë në këtë akuarium janë 29 franga për të rritur, 19 franga për fëmijë dhe falas për fëmijët e moshës nën pesë vjeç, përcjell albinfo.ch.

Më shumë se 6500 vetë kanë nxituar të vizitojnë ‘Aquatis’, qysh në fundjavën e parë.

“Shifrat e frekuentimit kanë shkuar përtej parashikimeve tona. Ne jemi shumë të lumtur”, ka thënë drejtoresha Angélique Vallée-Sygut për agjencinë e lajmeve “ATS”.

Akuariumi është i shpërndarë mbi 3.500m2 dhe dy kate, ku kati i parë është i dedikuar për Evropën, kurse në katin e sipërm për kontinentet tjera.

Në këtë akuarium janë rreth 10 mijë peshq dhe rreth 100 zvarranikë. Këtë akuarium pritet që ta vizitojnë rreth 450 mijë njerëz në vit.