Prodhimet vendore në Kosovë janë në krizë

Kryeministri i Kosovës, Ramush Haradinaj ka deklaruar se prodhimet vendore meritojnë vend të respektuar në plasimin e tyre në treg dhe se duhet të trajtohen si barabartë me prodhimet tjera nëpër superparkete në vend.

Në konferencën “Prodhimet vendore në supermarkete, sfidë dhe mundësi” të organizuar nga Klubi i Prodhuesve Vendor u tha se produktet e importuara prijnë karshi atyre vendore nëpër supermarkete në raporti 9 me 1, përcjell albinfo.ch.

“E di që jemi nën presion sepse prodhimi vjen një periudhë të caktuar kohore. E dimë se jemi keq, Kosova importon aq shumë, pra jemi të interesuar që në proces e sipër të jemi më ju. Po jemi për ta mirëpritur kontributin e atyre që e përkrahin palsimin e prodhimit vendor. Kam bërë edhe një hap përpara. Ju keni kërkuar një zyrë prodhuese në kryeministri. Qeveria e vendit i ka akredituar si pjesë të kryeministrisë një pjesë të eksperteve të prodhuesve dhe janë pa kosto financiare për publikun.

Ndërsa jo vetëm kaq, këta e ndihmojnë publikun pasi kjo zyrë nxjerr propozime për rritjen e pozitës së prodhuesve”, ka thënë Haradinaj. Ndërsa drejtori ekzekutiv i Klubit të Prodhuesve të Kosovës, Astrit Panxha, i ka thënë zyrtarëve qeveritar se prodhimi vendor është në krizë.