Si u bë Rüschlikoni vendi më i mirë për të jetuar në Zvicër

Kryebashkiaku i Rüschlikonit, Bernhard Elsener thotë janë disa faktorë që ky vend është zgjedhur më atraktivi për të jetuar

Nuk është kryeqyteti financiar i Zvicrës, as qendër ndërkombëtare, por një fshat i vogël buzë Liqenit të Cyrihut, që është përzgjedhur si vendi më tërheqës për të jetuar në Zvicër, shkruan ‘swissinfo.ch’.

Në këtë vend shtëpitë janë me drurë dhe ka shumë dyqane të bukura. Pamja nga ana e bregut është mahnitëse. “Pavarësisht se nuk jetoj shumë larg nga Rüschlikon, kjo është vizita ime e parë atje”, thotë autori, përcjell albinfo.ch.

Fshati është pak i njohur për shumicën e zviceranëve. Këtu tatimet janë më të vogla.

Kryebashkiaku i Rüschlikonit, Bernhard Elsener thotë janë disa faktorë që ky vend është zgjedhur më atraktivi për të jetuar. “Ne jemi pranë liqenit në qytetin e Cyrihut, kemi sisteme të shkëlqyera të transportit publik dhe privat”.

Në të vërtetë fshati është vetëm gjashtë kilometra larg nga Cyrihu, i cili është në vendin e 22-të në anketë, derisa Gjeneva në vendin e 45-të.

Faktor tjetër janë gjithashtu çmimet më të lira të banimit dhe është më lirë se në Cyrih. Tashmë ka shumë banesa në këtë fshat, që janë ndërtuar me kosto më të ultë.

Pamja gjithashtu është shumë e bukur, derisa edhe komuniteti është shumë i lidhur, dhe nuk ka dallim në mes vendorëve dhe të huajve. 30 % të popullsisë janë të huaj.