Banesat e mëdha rreth Cyrihut, më të lira

Nuk mbahet mend për aq shumë apartamente të zbrazëta në Zvicër që nga viti 1999. Shumica e pothuajse 65.000 janë apartamente me qira, siç tregon barometri i aglomerimit të “Handelszeitung” dhe “ImmoScout24”, përcjell albinfo.ch.

Kështu, çmimet për apartamente të mëdha me 4.5 deri në 5 dhoma rreth qyteteve më të mëdha zvicerane, si Cyrihut, Gjenevës dhe Bazelit, në tremujorin e fundit kanë shënuar rënie mes 4 dhe 6.5 për qind. Çmimet e ulëta të shitjeve në aglomerat mund të shpjegohen me një ofertë të përmirësuar në qytetet kryesore.

Ndryshe nga pronat familjare, shtëpitë në qytete dhe aglomerat janë ende shumë të kërkuara dhe përkatësisht të shtrenjta.

Në top 10 nga zonat më të shtrenjta urbane janë Gjeneva, Zug, Vevey / Montreux, si dhe Cyrihu. Analiza përfshin 28 aglomerate të Entit Statistikor Federal (FSO) me më shumë se 50.000 banorë.