Për arratisjen nga QKUK-ja arrestohen dy gardianë

Osmani është arratisur nga Qendra Klinike Universitare e Kosovës, ku ishte duke u trajtuar

Janë arrestuar dy gardianët, të cilët ishin caktuar ta ruanin në QKUK të burgosurin, Avni Osmani, i dënuar me 30 vjet burgim për vrasje të rëndë. Osmani është arratisur nga Qendra Klinike Universitare e Kosovës, ku ishte duke u trajtuar.

Ministri i Drejtësisë, Abelard Tahiri, dje në një status në facebook, kishte paralajmëruar se do të merren masa, duke thënë se problemet në Qendrat Korrektuese kanë adresë dhe secili do të japë përgjegjësi për detyrat që ka.