Rikthehen garat e Formulës në Zvicër pas 60 vjetësh

Kjo garë do të zhvillohet në Cyrih më 10 qershor të vitit të ardhshëm

Zvicra një vend që ndaloi garat me motorë në vitin 1955 pas aksidentit të rëndë në Le Mans, do të kthehet në kalendarin ndërkombëtar të kampionatit elektrik të Formula E, shkruajnë mediat ndërkombëtare, njëra ndër to edhe “New York Times”.

Kjo garë do të zhvillohet në Cyrih më 10 qershor të vitit të ardhshëm, përcjell albinfo.ch.

Presidenti i Federatës Ndërkombëtare të Automobilizmit (FIA), Jean Todt, është shprehur i lumtur që garat do të mbahen edhe në Zvicër. Pikërisht selia e FIA-s është në Paris dhe Gjenevë.

Ndalimi i garave të shpejtësisë në Zvicër erdhi pasi 83 shikues kishin vdekur dhe më shumë 100 ishin lënduar, në garën “Le Mans 24 orë”, më 1955 në Francë. Kjo ishte një tragjedi e madhe sportive, duke bërë që edhe Mercedes Benz të tërhiqet nga garat deri më 1989. Gjithashtu edhe piloti i saj, Pierre Levegh, që kishte hyrë në turmë kishte vdekur.

Ndalimi i 1955 pasoi vdekjen e të paktën 83 spektatorëve, me më shumë se 100 të lënduar, në garën sportive të Le Mans 24 orë të atij viti në Francë, kur Mercedes i francezit Pierre Levegh hyri në turmë.

Gara e fundit në Zvicër ishte mbajtur në pistën e Bremgartenit, afër Bernit më 1954. Çmimi i Madh i Zvicrës ishte mbajtur në Formula 1 më 1982, por ishte zhvilluar në pistën Dijon-Prenois në Francë.

Garat në Formula E do të fillojnë më 2 dhjetor në Hong Kong të Kinës dhe do të përfundojnë më 29 korrik 2018 në Montreal të Kanadasë.