Më pak aeroplanë, por më shumë udhëtarë nga Zvicra

Arsyeja për këto zhvillime të kundërta: Gjithnjë e më shumë kompani ajrore po përdorin avionë më të mëdhenj dhe më efikas

Foto ilustrim

Pothuajse 52 milionë pasagjerë frekuentuan nëpër aeroportet zvicerane në vitin 2016. Derisa numri i pasagjerëve po rritet vazhdimisht, ndërsa më pak aeroplanë po fluturojnë tani se në vitin 2000. Si mund të shpjegohet kjo?

Aeroportet zvicerane ne Cyrih, Gjenevë dhe Basel-Mülhausen dhe aeroportet rajonale regjistruan një total prej 51.8 milionë pasagjerësh (pasagjerë lokalë dhe transferues) në vitin 2016. Që nga viti 2000 numri i pasagjerëve në Zvicër është rritur për 50%, shkruan Zyra Federale e Statistikave.

Në të njëjtën periudhë, megjithatë, numri i lëvizjeve të fluturimit në shërbimet e planifikuar dhe të kartës në Zvicër ka rënë për 13%.

Arsyeja për këto zhvillime të kundërta: Gjithnjë e më shumë kompani ajrore po përdorin avionë më të mëdhenj dhe më efikasë. Sipas “Airline Swiss”, kjo çon në kostot më të ulëta të biletave dhe një “vëllim të rritur të udhëtarëve”.

Në të ardhmen, edhe më shumë pasagjerë do të jenë në qiell: Aeroporti i Cyrihut, i cili po i zgjeron kapacitetet, parashikon një rritje të numrit të pasagjerëve prej rreth 6% këtë vit. “Kjo mbështetet nga ndikimi i serisë se aeroplanëve SWISS Bombardier C 100 dhe 300, si dhe Boeing B-777”.

Shifrat më të fundit duket se konfirmojnë këtë pritshmëri: sezoni i lartë i Zvicrës 2017 i ka regjistruar 2.983.582 pasagjerë në Cyrih në muajin korrik, 4.5% më shumë se një vit më parë. Piku absolut ishte 23 korriku, me rreth 107,000 pasagjerë, sipas aeroportit në Cyrih, me një rekord të ri. Në një ditë mesatare kishte rreth 30 mijë udhëtarë më pak.

Më shumë pasagjerë gjithashtu do të thotë kthim më të mirë për aeroportet. Cyrihu ka gjeneruar një fitim prej 143.2 milionë franga në gjysmën e parë të vitit 2017, 39.4 milionë franga më shumë se në të njëjtën periudhë të një viti më parë. Megjithatë, një pjesë e madhe e rritjes së fitimit i atribuohet shitjes së investimit në Indi. “Pa këtë efekt, fitimi u rrit me 8 milionë franga zvicerane”, tha Flughafen Zürich AG, përcjell alboinfo.ch.