Numrat e partive politike në zgjedhjet lokale

LVV me numër 10, PDK është me numër 94, LDK me numër 47, AAK me 50, Nisma 31, AKR 34

Komisioni Qendror i Zgjedhjeve ka organizuar tërheqjen e shortit për renditjen e subjekteve politike në fletëvotimet e zgjedhjeve lokale në Kosovë, të cilat do të mbahen më 22 tetor të këtij viti.

KQZ-ja ka certifikuar 91 subjekte politike për pjesëmarrje në zgjedhjet lokale, prej tyre një koalicion, 35 parti politike, 30 iniciativa qytetare dhe 25 kandidatë të pavarur (qoftë për kryetar komune apo për këshilltar në kuvendet komunale), përcjell albinfo.ch.

Nga partitë kryesore politike: Lëvizja Vetëvendosje është renditur me numrin 10, Partia Demokratike e Kosovës me numrin 94, Lidhja Demokratike e Kosovës 47, Aleanca për Ardhmërinë e Kosovës ka numrin 50, Nisma për Kosovën 31, Aleanca Kosova e Re 34 dhe Lista Serbe numrin 29.