Alarmohet për kthimin e vizave për Shqipërinë

Ish-presidenti, Bujar Nishani, përmes një statusi në rrjetin social Facebook, vlerësoi se Shqipëria është e rrezikuar, pasi kërkesa për azil nga qytetarët e Shqipërisë është katastrofale dhe se krimi i organizuar me bazë trafikun e drogës në majat më të larta të 25 viteve të fundit, transmetonalbinfo.ch.

“Shqipëria mbërriti në këtë derexhe nga një situatë krejt normale në 2007, dhe sipas tij arriti kulmin në vitet 2015-2017, përmes një qetësie olimpike të aktorëve përgjegjës, duke menduar se duke i vënë në gjumin e hashashit shqiptarët, nuk do ndihej askush tjetër”, ka shkruar ish presidenti.

Ai thekson se qeveritë dhe institucionet e vendeve anëtare evropiane kane filluar të shohin rrezikun dhe kërcënimin e dëmit që po u bëhet qytetarëve të tyre nga lëvizja masive nga Shqipëria dhe kryesisht strukturimi mafioz i grupimeve dhe rrjetit të trafikimit të drogave.

Pas këtij statusi ka reaguar Ministri i Punëve të Jashtme, Ditmir Bushati. “Gjinkallat e dëshpëruara të 25 Qershorit po i kalojnë ethet e gushtit me klithma për kthimin e vizave, shërim të shpejtë!”, ka thënë ai.