Mustafi me gruan e tij shqiptare kalon pushimet në Zvicër

Ai ndodhet në pushime së bashku me gruan e tij shqiptare, Vjosa Kaba, 29-vjeçare. Por, kampioni i botës nuk po kalon pushimet rastësisht në Zvicër. Vjosa është rritur në Cyrih, në Dietikon, dhe më 2007 ishte Miss Zvicra

Ylli i Arsenalit, Shkodran Mustafi ka vendosur që pushimet t’i kalojë në Zvicrën Qendrore para se t’i bashkohet skuadrës për edicionin e ri, shkruan ‘Blick’.

Futbollistët e Arsenalit kanë filluar përgatitjet në Australi, ku janë Xhaka e Ozil, por jo edhe Mustafi i cili me Gjermaninë fitoi Kupën e Konfederatave, përcjell albinfo.ch.

Përfaqësuesi i Gjermanisë me rrënjë shqiptare ka vendosur që të pushojë në Zvicër, në Liqenin e Lucernit.

Ai ndodhet në pushime së bashku me gruan e tij shqiptare, Vjosa Kaba, 29-vjeçare. Mustafi po shijon ditët e fundit të pushimit para se t’i bashkohet Arsenalit.

Por, kampioni i botës nuk po kalon pushimet rastësisht në Zvicër. Vjosa është rritur në Cyrih, në Dietikon, dhe më 2007 ishte Miss Zvicra.