Merkel premton çrrënjosje të plotë të papunësisë në Gjermani

Bashkimi kristiano-demokrat (CDU) i kancelares gjermane, Angela Merkel, premtoi se do të çrrënjosë plotësisht papunësinë në Gjermani deri në vitin 2025, në prag të fushatës zgjedhore për zgjedhjet që do të mbahen këtë vit.

Zgjedhjet janë caktuar për 24 shtator. Përveç tjerash kanë premtuar edhe ulje të taksave dhe ndërtimin e shtëpive.

“Një arritur e madhe është ajo që ne duam të arrijmë punësimin e plotë.”, thotë Horst Sehofer, ministër i CSU dhe kryeministër i shtetit federal të Bavarisë, përcjell albinfo.ch.

Për punësim të plotë është konsideruar ku papunësia është nën tre për qind. Në Gjermani aktualisht llogaritet papunësia në 5.5 për qind, dhe nuk ishte aq e ulët që nga mesi i viteve 1970.

Të dy partitë e koalicionit kanë rënë dakord për të punësuar 15 mijë policë në 16 shtete. Vetëm nuk pajtohen mbi kuotat e refugjatëve. CSU është duke kërkuar që të jetë e kufizuar në 200 mijë, por Merkel dhe CDU kanë refuzuar një propozim të këtillë.

Sipas sondazheve të fundit, një koalicion i CDU-CSU udhëheq me 16 pikë përqindjeje përpara e socialdemokratëve. Avantazhi është 40 kundrejt 24 për qind, që do të thotë se ende do të duhet edhe një partnerë tjetër koalicion për të formuar një qeveri.