Patrick Nuo provon veten si aktor

Fillimisht Nuo ka qenë i inkuadruar në këtë seria përmes një kënge që ka punuar për të, pastaj ka fituar edhe rolin e muzikantit

Këngëtari i njohur shqiptaro-zviceran Patrick Nuo pas sukseseve në muzikë do të provojë veten edhe në rolin e aktorit. Ai ka fituar një rol në serinë televizive gjermane “Traumhotel” që emetohet në ARD.

Fillimisht Nuo ka qenë i inkuadruar në këtë serial përmes një kënge që ka punuar për të. Përmes kësaj ai ka fituar edhe rolin e muzikantit.

Në një intervistë për një portal gjerman Nuo ka thënë se nuk pretendon ndonjë karrierë klasike të aktorit. “Por unë jam shumë i hapur sa i takon eksperimentimeve”, ka thënë ai.

Veç kësaj, Patrick Nuo thotë se ka pasur shumë kënaqësi në aktrim. Por, aktrimin në këtë seria ai nuk e sheh si ndonjë “art të lartë”.